ટોઇલેટમાં મોબાઇલનો ઉપયોગ? આરોગ્ય માટે ખતરનાક

આજકાલ લોકોને મોબાઇલની એટલી તો લત લાગી છે કે ટોઇલેટમાં પણ ફોનને સાથે લઈને જાય છે. ભેલે તેઓ ટોઇલેટમાં વાત ન કરતા હોય પરંતુ ટેક્સટિંગ, મેસેજિંગ અને ચેટિંગ જરૂર કરે છે. જ્યારે કેટલાક તો ન્યુઝપેપર વાચવા માટે પણ લઈ જાય છે. પરંતુ તમને એ ખબર નહીં હોય કે આ ખૂબ જ ખતરનાક આદત છે.

પછી હાથ ધોવાનો તો કોઈ ફાયદો જ નથી રહેતો

તમે જ્યારે ટોઇલેટમાં મોબાઇલ લઈ જાવ છો ત્યારે ફોનમાં અનેક જર્મ્સ અને બેક્ટેરિયા ફોન પર લાગી જાય છે. ટોઇલેટમાંથી બહાર નીકળતા વખતે તમે હાથ ધુવો છો પરંતુ મોબાઇલ તો ધોઈ શકતા નથી. એટલે જ્યારે તમે ફરી મોબાઇલને ટચ કરો છો ત્યારે ફરી હાથ પર આ જર્મ્સ લાગી જાય છે.

પબ્લિક ટોઇલેટમાં તો સ્થિતિ વધુ ગંભીર

પબ્લિકટોઇલેટ્સમાં સ્થિતિ વધુ ગંભીર હોય છે. જ્યારે તમે તમારી ઓફિસ, કોઈ રેસ્ટોરન્ટ અથવા અન્ય પબ્લિક ટોઇલેટ યુઝ કરો છો ત્યારે મોબાઇલ પર બેક્ટેરિયાનો ખતરો વધી જાય છે.

બેક્ટેરિયાને મળે છે વધવાનો મોકો

મોબાઇલ ફોનમાં બેક્ટેરિયાની વૃદ્ધી થવાનો ખતરો વધુ રહે છે. કેમ કે મોબાઇલ ઉપયોગ થવાથી ગરમ થાય છે અને તેના કારણે બેક્ટેરિયાને વિકાસ કરવા માટેનું યોગ્ય વાતવરણ મળે છે.

તમારી સાથે કંઈ જ ન લઈ જાવ

આ માટે ટોઇલેટમાં તમારી સાથે કંઈ જ લઈ જવું જોઈએ નહીં. શક્ય હોય તો અખબાર કે મેગેઝિન પણ ન યુઝ કરવા જોઈએ. કેટલીક મિનિટ માટે તમારા હાથ અને મગજને પણ ખાલી રાખવા જોઈએ.